കടലോര ജാഗ്രതാ സമിതി യോഗം ചേർന്നു.

  തിരൂർ: കടലോര ജാഗ്രതാ സമിതിയുടെ തിരൂർ പോലീസ് സ്റ്റേഷൻ തല യോഗം തിരൂർ ഡിവൈഎസ്പി ഓഫീസിൽ വെച്ച് ചേരുകയുണ്ടായി. 

യോഗം തിരൂർ ഡിവൈഎസ്പി എ. ജെ. ജോൺസൺ ഉദ്ഘാടനം ചെയ്യുകയുണ്ടായി. കടലോര മേഖലയിൽ കൂടുതൽ ജനസമ്പർക്ക മീറ്റിങ്ങുകൾ നടത്തുന്നതിനും ലഹരി വിരുദ്ധ ബോധവൽക്കരണ ക്ലാസുകൾ നടത്തുന്നതിനും മത്സ്യ തൊഴിലാളികൾക്ക് ഉപകാരപ്പെടുന്ന രീതിയിലുള്ള പ്രവർത്തനങ്ങൾ ചെയ്യുന്നതിനും യോഗം തീരുമാനിച്ചു.

കടൽ വഴി കടന്നു വരുന്ന ഭീകര പ്രവർത്തനത്തിൻ്റെയും നിയമ വിരുദ്ധ പ്രവർത്തനങ്ങളുടെയും നുഴഞ്ഞുകയറ്റത്തിന്റെയും പശ്ചാത്തലത്തിൽ കടലോര പ്രദേശങ്ങളുമായി അടുത്ത് ഇടപഴകുന്ന മത്സ്യത്തൊഴിലാളികളുടെയും അവർക്കുവേണ്ടി പ്രവർത്തിക്കുന്ന പ്രസ്ഥാനങ്ങളുടെയും സജീവ പങ്കാളിത്തമത്തോടുകൂടി തീരദേശ സംരക്ഷണം ശക്ത‌ിപ്പെടുത്തുന്നതിനായി തീരദേശ പോലീസ് സ്റ്റേഷനുകൾ കേന്ദ്രീകരിച്ചുകൊണ്ട് കടലോര ജാഗ്രതാ സമിതികൾ നിലവിലുള്ളത് .

തിരൂർ പോലീസ് സ്റ്റേഷൻ SHO വിഷ്ണു അധ്യക്ഷത വഹിക്കുകയും 

കടലോര ജാഗ്രതാ സമിതി തിരൂർ പോലീസ് സ്റ്റേഷൻ യൂണിറ്റ് കോഡിനേറ്ററായ സബ് ഇൻസ്പെക്ടർ നസീർ തിരൂർക്കാട് സ്വാഗതം പറയുകയും കടലോര ജാഗ്രത സമിതി അംഗങ്ങളായ ഇസഹാക്ക് എപി, പ്രശാന്ത്, സിറാജ്, ഗംഗാധരൻ , ഫിഷറീസ് ഉദ്യോഗസ്ഥരായ ഷിജി എന്നിവർ ആശംസാ പ്രസംഗം നടത്തി.പൊന്നാനി കോസ്റ്റൽ പോലീസിലെ രതീഷ് നന്ദി പറയുകയും ചെയ്തു.