ദേശീയ പാത നിർമ്മാണത്തോടനുബന്ധിച്ച് ഉണ്ടായ പുതുപൊന്നാനിയിലെ ഗതാഗത പ്രതിസന്ധി പരിഹരിക്കാൻ ആവശ്യമായ ബദൽ സംവിധാനമൊരുക്കാൻ
നേഷണൽ ഹൈവെ അതോറിട്ടി ഓഫ് ഇന്ത്യ, കൊച്ചിൻ പ്രോജക്ട് മാനേജരോട് ആവശ്യപ്പെടാൻ നഗരസഭ ട്രാഫിക് ക്രമീകരണ സമിതിയിൽ തീരുമാനമായി.
ഹൈവേ നിർമ്മാണവുമായി ബന്ധപ്പെട്ട് പടിഞാറ് ഭാഗത്ത് നിലവിലുള്ള സർവീസ് റോഡിലൂടെ ഇരുഭാഗത്തേക്കും ബസ് ഉൾപ്പെടെയുള്ള വാഹനഗതാഗതത്തിന് ആവശ്യമായ സൗകര്യമൊരുക്കുന്നതിനും പുതുപൊന്നാനിയിലെ ഓവർ
ബ്രിഡ്ജുകൾക്കിടയിൽ പുതുപൊന്നാനി ഭാഗത്തുള്ള സ്പാനുകൾക്കിടയിലൂടെ വാഹനങ്ങൾ ചുറ്റി വരാവുന്ന തരത്തിൽ റോഡു വിപുലീകരണം നടത്തി സൗകര്യമൊരുക്കുവാനും ദേശീയ പാത അതോറിട്ടിയോട് ആവശ്യപ്പെടുവാൻ തീരുമാനിച്ചു.
ബസ്റ്റാന്റ് കൊല്ലൻ പടി റൂട്ടിൽ കൊല്ലൻ പടിയിലെ കവിമുറ്റം പാർക്ക് ചുറ്റി ബസ്സുകൾക്ക് പോകാൻ കഴിയുന്ന വിധത്തിൽ കവിമുറ്റത്തെ പാർക്കിംഗ് നിയന്ത്രിക്കുവാനും തീരുമാനിച്ചു. ഇക്കാര്യത്തിൽ ട്രാൻസ്പോർട്ട് വകുപ്പ്, പോലീസ് വകുപ്പുകൾ പരിശോധന നടത്തി പ്രാവർത്തികമാക്കും.
നിളയോര ടൂറിസം പാതയിലൂടെ ചരക്കു വാഹനങ്ങളുടെ ഗതാഗതം നിരോധിച്ചു കൊണ്ടുള്ള ഹൈ ലൈറ്റ് സൈൻ ബോർഡുകൾ സ്ഥാപിക്കുന്നതിന് നഗരസഭ സെക്രട്ടറിയെ യോഗം ചുമതലപ്പെടുത്തി.
കുണ്ടുകടവ് ജംഗ്ഷനിലെ വലിയ വാഹനങ്ങളുടെ പാർക്കിംഗ് നിയന്ത്രിക്കും.
നഗരസഭ ചെയർമാൻ ശിവദാസ് ആറ്റുപുറത്തിന്റെ അധ്യക്ഷതയിൽ ചേർന്ന ട്രാഫിക് ക്രമീകരണ സമിതി യോഗത്തിൽ വൈസ് ചെയർപേഴ്സൺ ബിന്ദു സിദ്ധാർത്ഥൻ,മരാമത്ത് സ്ഥിരംസമിതി ചെയർമാൻ ഒ.ഒ ഷംസു , മോട്ടോർ വെഹിക്കിൾ ഇൻസ്പെക്ടർ മുഹമ്മദ് അഷ്റഫ് സൂറപ്പിൽ, പോലീസ് സബ് ഇൻസ്പെക്ടർ അനിൽ.ടി.ഡി,
പൊതുമരാമത്ത് റോഡ് സ് വിഭാഗം എഞ്ചിനീയർ ദിനീഷ്, പൊതുമരാമത്ത് ദേശീയ പാത ഡിവിഷൻ എഞ്ചിനീയർ ലസിത, ഡെപ്യൂട്ടി താഹസിൽദാർ പി.കെ.സുരേഷ്, നഗരസഭ സെക്രട്ടറി സജിറൂൺ എന്നിവർ പങ്കെടുത്തു.