ബംഗാൾ ഗവർണർ ആനന്ദബോസ് ചേന്നരയിലെ വള്ളത്തോൾ ഭവനം സന്ദർശിക്കും

ചേന്നര: എഴുത്തുകാരനും പശ്ചിമ ബംഗാൾ ഗവർണറുമായ ഡോ.സി.വി.ആനന്ദബോസ് ബുധനാഴ്ച മഹാകവി വള്ളത്തോളിന്റെ ജന്മഗൃഹമായ ചേന്നരയിലെ കൊണ്ടയൂർ തറവാട് സന്ദർശിക്കും.ബുധനാഴ്ച വൈകിട്ട് നാലുമണിക്കാണ് സന്ദർശനം.ഗവർണർ രചിച്ച 'മിത്തും സയൻസും-ഒരു പുനർവായന' എന്ന പുസ്തകത്തെകുറിച്ചുള്ള ചർച്ചയും നടക്കും.രാംദാസ് വള്ളത്തോൾ,മലയാള സർവകലാശാലയുടെ മുൻ വൈസ് ചാൻസലർമാരായ ഡോ.അനിൽ വള്ളത്തോൾ,ഡോ.എൽ.സുഷമ,മംഗലം പഞ്ചായത്ത് പ്രസിഡൻ്റ് സി.പി.കുഞ്ഞുട്ടി,ഡോ.വിനോദ് വള്ളത്തോൾ,പുസ്തകത്തിൻ്റെ വിവർത്തക ഡോ.എം.പി.അനിത,റിഫാഷെലീസ്,യമുന വള്ളത്തോൾ,ഷീബ ടീച്ചർ എന്നിവർ പങ്കെടുക്കും.