10.46 കോടി രൂപയ്ക്കുള്ളകടൽഭിത്തി നിർമാണംഉടൻ ആരംഭിക്കും : പി നന്ദകുമാർ MLA

10.46 കോടി രൂപയ്ക്കുള്ള

കടൽഭിത്തി നിർമാണം

ഉടൻ ആരംഭിക്കും : പി നന്ദകുമാർ MLA

================================== ടെണ്ടർ നടപടികളിൽ 25.28% അധിക തുക

രേഖപ്പെടുത്തിയതിനാൽ അനിശ്ചിതാവസ്ഥയിലായിരുന്ന 10 കോടി

രൂപയുടെ കടൽഭിത്തി നിർമാണത്തിന്

സംസ്ഥാന സർക്കാർ പ്രത്യേകാനുമതി

നൽകിയതോടെ നിർമാണ പ്രവൃത്തികൾ ഉടൻ ആരംഭിക്കുമെന്ന് പി. നന്ദകുമാർ MLA പത്രസമ്മേളനത്തിൽ അറിയിച്ചു .

അധിക തുകയ്ക്കുള്ള പ്രത്യേകാനുമതി

ലഭിച്ചതോടെ പൊന്നാനി മണ്ഡലത്തിൽ

1084 മീറ്ററിലാണ് കടൽഭിത്തി നിർമാണം

നടക്കാൻ പോകുന്നത് . പെരുമ്പടപ്പ്

പഞ്ചായത്തിലെ പാലപ്പെട്ടിയിൽ

250 മീറ്ററിലും വെളിയങ്കോട് പഞ്ചായത്തിലെ

തണ്ണിത്തുറയിൽ 234 മീറ്ററിലും

പൊന്നാനി നഗരസഭയിലെ അലിയാർ പള്ളി

മുതൽ മരക്കടവ് വരെയുള്ള

പ്രദേശങ്ങളിൽ 600 മീറ്ററിലുമാണ്‌

കടൽഭിത്തി നിർമാണം നടക്കും .

10 കോടി 46 ലക്ഷത്തി 72 ആയിരത്തി

116.12 രൂപയാണ്‌ പദ്ധതിക്കായി

ആകെ വകയിരുത്തി അംഗീകാരം

നൽകിയിരിക്കുന്നത് .

ടെണ്ടർ തുകയേക്കാൾ അധിക തുക

രേഖപ്പെടുത്തിയതിനാൽ പദ്ധതി നടപ്പിലാക്കാൻ പ്രത്യേകാനുമതി നേടിയെടുക്കുക എന്നത് സങ്കീർണ്ണമായ പ്രക്രിയയായിരുന്നു . നിയമസഭയിൽ സബ്മിഷൻ ഉന്നയിച്ചും മുഖ്യമന്ത്രിയേയും ജലസേചന വകുപ്പ് മന്ത്രിയേയും

മറ്റു മന്ത്രിമാരേയും നിരവധി തവണ

കണ്ടു സംസാരിച്ചും നടത്തിയ നിരന്തരമായുള്ള ഇടപെടലാണ് ഇപ്പോൾ 

ഫലപ്രാപ്തിയിൽ എത്തിയിരിക്കുന്നത് .

കാലതാമസം കൊണ്ട് , ഇനിയൊരു കടലാക്രമണത്തിൽ ജനങ്ങളുടെ ജീവനും സ്വത്തിനും നഷ്ടം വരുന്നത് ഒഴിവാക്കണമെന്ന ആവശ്യം

സർക്കാരിനെ ബോധ്യപ്പെടുത്താനും

ഇതിന്റെ ഭാഗമായി ക്രിയാത്മകമായ നടപടി സ്വീകരിക്കാൻ സംസ്ഥാന സർക്കാറും

തയ്യാറായി മുന്നോട്ടു വന്നു .

പൊന്നാനിയുടെ എം.എൽ.ആയി

ചുമതലയേറ്റതിന് ശേഷം മണ്ഡലത്തിൽ

1.31 കോടി രൂപയ്ക്കുള്ള എമർജൻസി

കടൽഭിത്തി നിർമാണം പൂർത്തിയാക്കിയതിനൊപ്പമാണ്

10.46 കോടിയുടെ കടൽഭിത്തി

നിർമാണം ഉടൻ ആരംഭിക്കാൻ പോകുന്നതെന്നും പി. നന്ദകുമാർ MLA

അറിയിച്ചു .

ഏതു സാമ്പത്തിക ഞെരുക്കത്തിലും ഏറ്റവും അടിസ്ഥാന ജനതക്കൊപ്പമാണ്

LDF സർക്കാറെന്ന് പ്രവൃത്തിയിലൂടെ

തെളിയിക്കുകയും പൊന്നാനിയെ കരുതലോടെ കാണുകയും ചെയ്ത 

ബഹുമാനപ്പെട്ട മുഖ്യമന്ത്രി , ജലസേചന വകുപ്പ് മന്ത്രി, മറ്റു മന്ത്രിമാർ , ഉദ്യോഗസ്ഥർ, പൊതുപ്രവർത്തകർ തുടങ്ങിയവരോട്

നന്ദിയും കടപ്പാടും രേഖപ്പെടുത്തുന്നതായും

പി നന്ദകുമാർ MLA പറഞ്ഞു .

CPI(M) പൊന്നാനി ഏരിയാ സെക്രട്ടറി

സി.പി. മുഹമ്മദ്‌ കുഞ്ഞിയും MLA ക്കൊപ്പം പത്രസമ്മേളനത്തിൽ പങ്കെടുത്തു .