ബഹാവുദ്ധീൻ പണ്ഡിത വേഷം കെട്ടിയ അബൂ ജഹ്ൽ;ഹാജി മുഹമ്മദ് കാസിം കോയ

ബഹാവുദ്ധീൻ പണ്ഡിത വേഷം കെട്ടിയ അബൂ ജഹ്ൽ;

ഹാജി മുഹമ്മദ് കാസിം കോയ

 കേരളത്തിലെ ജനങ്ങളുടെ മനസ്സാക്ഷിയെ ആഴത്തിൽ വേദനിപ്പിച്ച ഒരു സംഭവമാണ് ശ്രീ ബഹാവുദ്ധീൻ നടത്തിയ പ്രസ്താവന.

കേരള രാഷ്ട്രീയ ചരിത്രത്തിൽ അതുല്യനായ മഹാനായ നേതാവാണ് സഖാവ് EMS.

ജനങ്ങളുടെ ക്ഷേമത്തിനും സാമൂഹിക നീതിക്കും ജനാധിപത്യ മൂല്യങ്ങൾക്കും വേണ്ടി

ജീവിതം മുഴുവൻ സമർപ്പിച്ച വ്യക്തിത്വം,

കേരളത്തിന്റെ അഭിമാനമാണ്.

അതുപോലെ,

കേരളത്തിലെ മുസ്ലിം സമുദായത്തിന് കാലം എത്രകഴിഞ്ഞാലും മറക്കാനാവാത്ത

ഒട്ടനവധി വിഷയങ്ങളിൽ ചേർത്തുപിടിച്ച നേതാവുകൂടിയാണ് EMS.

മുസ്ലിം വിദ്യാഭ്യാസ വികസനത്തിനും

സാമൂഹിക പുരോഗതിക്കും അദ്ദേഹം എടുത്ത നടപടികൾ

ഇന്നും സമൂഹം നന്ദിയോടെ ഓർക്കുന്നു.

EMS സർക്കാർ തന്നെ അറബിക് കോളേജുകൾക്കും മദ്രസ വിദ്യാഭ്യാസത്തിനും

സ്ഥിരതയും അംഗീകാരവും നൽകിയത്.

മുസ്ലിം വിവാഹ, അവകാശ സംബന്ധിയായ വിഷയങ്ങളിൽ

സമൂഹത്തിന്റെ നിലപാടുകൾ മാനിച്ച്

നിയമനിർമാണ നടപടികൾ സ്വീകരിച്ചത്.

മുസ്ലിംകൾക്ക് രാഷ്ട്രീയ, സാമൂഹിക രംഗങ്ങളിൽ

കൂടുതൽ പ്രതിനിധാനം ഉറപ്പാക്കിയത്.

ഇത്തരത്തിലുള്ള പ്രവർത്തനങ്ങളാൽ,

EMS മുസ്ലിം സമുദായത്തിന്

ഒരിക്കലും മറക്കാനാവാത്ത നേതാവായി മാറി.

അത്തരം മഹാന്മാരെയും,

അദ്ദേഹത്തെ ജനിപ്പിച്ച മാതാവിനെയും അപമാനിച്ചുകൊണ്ടുള്ള പ്രസ്താവന

ഒരു വ്യക്തിയെ മാത്രമല്ല,

മുഴുവൻ സമൂഹത്തെയും,

കേരളത്തിന്റെ പുരോഗമന ചരിത്രത്തെയും

അവഹേളിക്കുന്നതാണ്.

മതത്തിന്റെ മേലങ്കി ധരിച്ചുകൊണ്ട്

 ആരേപണങ്ങളിൽ കളങ്കരഹിതമായ വലതുപക്ഷ രാഷ്ട്രീയത്തെ വെളുപ്പിച്ചെടുക്കുന്നതിന്റെ ഭാഗമായി EMS പോലുള്ള മഹാന്മാരെ അധിക്ഷേപിക്കുകയും ചെയ്യുന്നത്

നൈതികമായും സാമൂഹികമായും അംഗീകരിക്കാനാവാത്ത കാര്യമാണ്.

ഈ പശ്ചാത്തലത്തിൽ,

ശ്രീ ബഹാവുദ്ധീൻ താൻ നടത്തിയ പ്രസ്താവനകൾ ഉടൻ തന്നെ പിൻവലിച്ച്,

പൊതുവേദിയിൽ ക്ഷമാപണം നടത്തുകയും വേണം

എന്നതാണ് എന്റെ നിലപാട്.

മഹാന്മാരെ അപമാനിക്കുന്ന ഇത്തരം പ്രവണതകളെതിരെ

കേരളത്തിലെ ജനങ്ങളും ചരിത്രവും

ഒരിക്കലും മാപ്പ് നൽകുകയില്ലായെന്ന്

വ്യക്തമായി ഓർമ്മപ്പെടുത്തുന്നു.