ബോഡി ബിൽഡിംഗ് ലോകത്ത് തന്റേതായ ഇടം നേടിയ വ്യക്തിയായിരുന്നു അദ്ദേഹം. ഏറ്റവും പ്രധാനമായി, ലോകത്തിലെ ആദ്യത്തെ വെജിറ്റേറിയൻ പ്രൊഫഷണൽ ബോഡി ബിൽഡർ എന്ന നിലയിൽ അദ്ദേഹം പ്രശസ്തനായിരുന്നു. സസ്യാഹാരം മാത്രം കഴിച്ച് ലോകോത്തര കായികക്ഷമത നേടാമെന്ന് അദ്ദേഹം തെളിയിച്ചു.
2009-ൽ മിസ്റ്റർ ഇന്ത്യ പട്ടം നേടിയ ഘുമൻ, മിസ്റ്റർ ഏഷ്യ മത്സരത്തിൽ റണ്ണറപ്പായിരുന്നു. 2013-ൽ, ഹോളിവുഡ് താരവും ബോഡി ബിൽഡിംഗ് ഐക്കണുമായ അർണോൾഡ് ഷ്വാർസനേഗർ തൻ്റെ കായിക ഉൽപ്പന്നങ്ങളുടെ ബ്രാൻഡ് പ്രൊമോട്ട് ചെയ്യാൻ ഏഷ്യയിൽ നിന്ന് തിരഞ്ഞെടുത്തത് ഘുമനെ ആയിരുന്നു.
"അതിശയകരമായ കഴിവ്" എന്നാണ് ഷ്വാർസനേഗർ അദ്ദേഹത്തെ വിശേഷിപ്പിച്ചത്. ബോഡി ബിൽഡിംഗിനൊപ്പം അഭിനയ രംഗത്തും അദ്ദേഹം സജീവമായിരുന്നു.
2012-ലെ പഞ്ചാബി ചിത്രം 'കബഡി വൺസ് എഗൈൻ' ഉൾപ്പെടെയുള്ള സിനിമകളിൽ അഭിനയിച്ച അദ്ദേഹം, ബോളിവുഡിൽ 'മർജാവാൻ' പോലുള്ള ചിത്രങ്ങളിലും ശ്രദ്ധ നേടി. സൽമാൻ ഖാൻ നായകനായ 'ടൈഗർ 3' (2023) എന്ന ബ്ലോക്ക്ബസ്റ്റർ ചിത്രത്തിലെ പാകിസ്ഥാൻ ജയിൽ ഗാർഡ് കഥാപാത്രമാണ് അടുത്തിടെ അദ്ദേഹം ചെയ്തതിൽ ഏറ്റവും ശ്രദ്ധേയമായ വേഷം.
കൈക്ക് പറ്റിയ ഒരു ചെറിയ പരിക്കിന് അമൃത്സറിലെ ആശുപത്രിയിൽ ചികിത്സ തേടുന്നതിനിടെയാണ് അദ്ദേഹത്തിന് ഹൃദയാഘാതം ഉണ്ടായതും അന്ത്യം സംഭവിച്ചതും.
ഒരു അഭിപ്രായം പോസ്റ്റ് ചെയ്യൂ
0അഭിപ്രായങ്ങള്‍