മാതൃകയായി ഓട്ടോ ഡ്രൈവർ; സത്യസന്ധതകൊണ്ട് നാടിന് അഭിമാനം

തവനൂർ മണ്ഡലം CITU ഏരിയ കമ്മിറ്റി വൈസ് പ്രസിഡന്റും തൃപ്പങ്ങോട് പഞ്ചായത്ത് CITU പ്രസിഡന്റുമായ ആലിങ്ങൽ സ്വദേശി ബദറു നാടിന് മാതൃകയായ സത്യസന്ധതയാണ് കാട്ടിയത്.

അയൽവാസിയുടെ ആവശ്യപ്രകാരം ഓട്ടോ വിളിച്ച് പോയ ബദറുവിന്റെ വാഹനത്തിൽ നിന്ന് ഇന്ന് രാവിലെ വണ്ടി കഴുകുന്നതിനിടെ 8 പവന്റെ സ്വർണാഭരണങ്ങൾ കണ്ടെത്തുകയായിരുന്നു. ഉടൻ തന്നെ അവയുടെ ഉടമ അയൽവാസിയാണെന്ന് തിരിച്ചറിഞ്ഞ ബദറു, ഒരു മടിയുമില്ലാതെ സ്വർണാഭരണങ്ങൾ അവർക്കു തിരികെ ഏൽപ്പിച്ചു.

തൊഴിലാളികളുടെ ഉന്നമനത്തിനായി ഏത് വിഷയത്തിലും അവരെ ചേർത്തുപിടിക്കുന്ന നേതാവായ ബദറുവിന്റെ ഈ പ്രവർത്തനം സമൂഹത്തിന് വലിയ സന്ദേശമാണ് നൽകുന്നത്.

ഇത്തരത്തിലുള്ള നന്മപ്രവർത്തനങ്ങൾ ചെയ്യുന്നവരെ സമൂഹം ചേർത്തുപിടിക്കുകയും ആദരിക്കുകയും ചെയ്യേണ്ടതിന്റെ ആവശ്യകതയാണ് ഈ സംഭവം ഓർമ്മിപ്പിക്കുന്നത്.