ശൈഖ് സൈനുദ്ദീന്‍ മഖ്ദൂം ഒന്നാമന്റെ 518-ാം ആണ്ട് നേര്‍ച്ച സമാപിച്ചു.

ponnani channel
By -
1 minute read
0
പൊന്നാനി: വിശ്വപ്രസിദ്ധ പണ്ഡിതനും സൂഫീവര്യനും പൊന്നാനി പള്ളി സ്ഥാപകനുമായ ശൈഖ് സൈനുദ്ദീന്‍ മഖ്ദൂം ഒന്നാമന്റെ 518-ാം ആണ്ട് നേര്‍ച്ച സമാപിച്ചു. അഞ്ച് ദിനങ്ങളിലായി പൊന്നാനി മഖ്ദൂം സ്‌ക്വയറില്‍ നടന്നുവന്ന നേര്‍ച്ചയില്‍ അനുസ്മരണ സമ്മേളനം, സമൂഹ സിയാറത്ത്, സൗഹൃദ സംഗമം, മതപ്രഭാഷണം എന്നിവ നടന്നു. പ്രമുഖര്‍ നേതൃത്വം നല്‍കി.

സമാപന ദിനമായ ഇന്നലെ രാവിലെ 8 മണിക്ക് നടന്ന ഖത്തം ദുആക്ക് അറക്കല്‍ ബീരാന്‍ കുട്ടി മുസ്ലിയാര്‍ നേതൃത്വം നല്‍കി. തുടര്‍ന്ന് അന്നദാനം നടന്നു.
വൈകീട്ട് 8.30 ന് നടന്ന സമാപന ആത്മീയ സമ്മേളനം വി.സെയ്തുമുഹമ്മദ് തങ്ങളുടെ അധ്യക്ഷതയില്‍ സയ്യിദ് ഹബീബ് തുറാബ് തങ്ങള്‍ തലപ്പാറ ഉദ്ഘാടനം ചെയ്തു. സയ്യിദ് ഇബ്‌റാഹീമുല്‍ ഖലീല്‍ ബുഖാരി തങ്ങള്‍ കടലുണ്ടി ദിക്ര്‍ ദുആ മജ്‌ലിസിന് നേതൃത്വം നല്‍കി. അബ്ദുല്‍ വാസിഅ് ബാഖവി കുറ്റിപ്പുറം ഉദ്‌ബോധനം നടത്തി.

പൊന്നാനി മഖ്ദൂം എം.പി മുത്തുക്കോയ തങ്ങള്‍, അബ്ദുല്ല ബാഖവി ഇയ്യാട്, അബ്ദുസമദ് അഹ്‌സനി വെളിമുക്ക്, ഹംസ അഹ്‌സനി മീനങ്ങാടി, ഉമര്‍ ശാമില്‍ ഇര്‍ഫാനി ചേലേമ്പ്ര, ഉവൈസ് അദനി വിളയൂര്‍, സയ്യിദ് ഫള്ല്‍ തുറാബ് ചെറുവണ്ണൂര്‍, സഅദുദ്ദീന്‍ സഖാഫി മാളിയേക്കല്‍, പി.കെ.എം കുഞ്ഞുമുഹമ്മദ്, കെ.വി അബ്ദുന്നാസര്‍ (എം.ഡി അക്ബര്‍ ട്രാവല്‍സ്), അബ്ദുറഹീം ഹാജി, അശ്‌റഫ് ഹാജി, ഇ.കെ സിദ്ദീഖ് ഹാജി, ടി.വി അബ്ദുറഹ്‌മാന്‍ കുട്ടി മാസ്റ്റര്‍, പി.വി അബൂബക്കര്‍ മുസ്ലിയാര്‍, അമ്മാട്ടി മുസ്ലിയാര്‍ സംബന്ധിച്ചു.
Tags:

ഒരു അഭിപ്രായം പോസ്റ്റ് ചെയ്യൂ

0അഭിപ്രായങ്ങള്‍

ഒരു അഭിപ്രായം പോസ്റ്റ് ചെയ്യൂ (0)