ജില്ല അക്വാറ്റിക് ചാമ്പ്യൻഷിപ്പ്മെഡലുകൾ നീന്തിയെടുത്ത് ഹയാൻ

പൊന്നാനി: കോഴിക്കോട് സർവ്വകലാശാലയിൽ നടന്ന ജില്ലാതല അക്വാട്ടിക് ചാമ്പ്യൻഷിപ്പിൽ മെഡൽ വേട്ട തുടർന്ന് ഹയാൻ ജാസിർ. കാലിക്കറ്റ് യൂണിവേഴ്സിറ്റി സ്വിമ്മിംഗ് അക്കാദമിക്കുവേണ്ടി ഹയാൻ സ്വന്തമാക്കിയത് ആറ് സ്വർണ്ണമുൾപ്പെടെ ഏഴ് മെഡലുകൾ.

1500 മീറ്റർ ഫ്രീസ്റ്റൈൽ, 200 മീറ്റർ ബട്ടർഫ്ലൈ, 200 മീറ്റർ ബാക്ക് സ്ട്രോക്ക്, 100 മീറ്റർ ബട്ടർഫ്ലൈ എന്നിവയിലാണ്  സ്വർണ്ണ മെഡൽ നേടിയത്. 50 മീറ്റർ ബാക്ക് സ്ട്രോക്കിൽ സിൽവർ മെഡലും റിലേയിൽ രണ്ടു ഗോൾഡും മെഡലും നേടി.

തുടർച്ചയായി മൂന്നാം തവണയാണ് ജില്ലാ അക്വാട്ടിക് ചാമ്പ്യൻഷിപ്പിൽ വ്യക്തിഗത ചാമ്പ്യനാകുന്നത്. എട്ടാം ക്ലാസ് വിദ്യാർത്ഥിയായ ഹയാൻ പൊന്നാനി സ്വദേശി കെ വി ജാസിറിൻ്റെയും നഫീസ നുസ്റത്തിൻ്റെയും മകനാണ്. കഴിഞ്ഞ സീസണുകളിൽ ദേശീയ മത്സരങ്ങളിൽ കേരളത്തിനു വേണ്ടി സ്വർണ്ണ മെഡൽ നേടിയിട്ടുണ്ട്.